Մարտի 30-ին Գյումրի համայնքի ավագանու արտահերթ ընտրությանը մասնակցելու հայտ է ներկայացրել 6 կուսակցություն և կուսակցությունների 3 դաշինք։ Այս մասին հայտնում է Հայաստանի կենտրոնական ընտրական հանձնաժողովը։
Կուսակցությունների դաշինքներն են՝
«Մեր քաղաքը» դաշինք, որի կազմում են «Միացյալ Հայաստան» և «Հայրենիք» կուսակցությունները։ Ցուցակը գլխավորում է Մարտուն Գրիգորյանը։
«Մայր Հայաստան» դաշինքի կազմում են «Ինտելեկտուալ Հայաստան» և «Իմ պայքար, իմ հարենիք» կուսակցությունները։ Ցուցակը գլխավորում է Կարեն Սիմոնյանը։
«Եվրադաշինք»-ի կազմում ընդգրկված են «Հանրապետություն», «Հանուն Հանրապետության» եւ «Եվրոպական» կուսակցությունները։ Ցուցակը գլխավորում է Լևոն Բարսեղյանը։
Կուսակցություններ․
«Հայաստանի կոմունիստական» կուսակցություն, ցուցակը գլխավորում է Վարդան Ղուկասյանը։
«Իմ հզոր համայնք» կուսակցություն, ցուցակը գլխավորում է Ռուբեն Մխիթարյանը։
«Հայաստանի աշխատավորական–սոցիալիստական» կուսակցություն, ցուցակը գլխավորում է Արտյոմ Թումանյանը։
«Ապրելու երկիր» կուսակցություն, ցուցակը գլխավորում է Կարեն Մալխասյանը։
«Դեմոկրատական այլընտրանք» կուսակցություն, ցուցակը գլխավորում է Արտյոմ Ղարաղազարյանը։
«Քաղաքացիական պայմանագիր» կուսակցություն, ցուցակը գլխավորում է Սարիկ Մինասյանը։
Փարաքար համայնքում առաջադրվել են հետևյալ կուսակցություններն ու դաշինքը․
«Միասնություն» կուսակցությունների դաշինք, կազմում՝ «Ապրելու երկիր» և «Հաղթանակ» կուսակցությունները`
Վալոդյա Գրիգորյան,
Օնիկ Ախվերդյան,
Էմմա Թորոսյան։
«Քաղաքացիական պայմանագիր» կուսակցություն
Լյուդվիդ Գյուլնազարյան,
Կարապետ Արթենյան,
Արաքսյա Վարդանյան։
«Ազգային առաջընթաց» կուսակցություն
Դավիթ Մինասյան,
Մարինե Աբրահամյան,
Վարդան Ուզունյան։
«Կայունություն» կուսակցություն
Գոռ Սարիբեկյան,
Էմին Երիցյան,
Արփենիկ Վարդանյան:
Կուսակցությունների ու դաշինքների ցանկը ներկայացրել ենք ըստ ԸԸՀ-ներ դիմելու հերթականության։
Առաջադրված կուսակցությունների, կուսակցությունների դաշինքների գրանցման վերջնաժամկետը մարտի 10-ն է։
Գրանցված կուսակցություններին, կուսակցությունների դաշինքներին հերթական համարներ տրամադրվելու են մարտի 11-ին։
Գրանցված կուսակցությունների և դաշինքների ընտրական ցուցակները ԿԸՀ կայքում հրապարակվելու են մինչև մարտի 13-ը։
Նախընտրական քարոզչության ժամանահատվածն է մարտի 15-ից մարտի 28-ը, մինչև 24։00-ն։ Քվեարկության նախորդ օրը և քվեարկության օրը նախընտրական քարոզչություն իրականացնելն արգելված է։
Ընտրությունների անցկացման հիմնական միջոցառումների ամբողջ ժամանակացույցին կարելի է ծանոթանալ ստորև։
