Լեհաստանի վարչապետ Դոնալդ Տուսկը կոտրել է ոտքը դահուկներ քշելիս, X-ում հայտարարել է կառավարության ղեկավարն ինքը։
Նա տեսանյութ է հրապարակել, որտեղ կանգնած է՝ հենված երկու հենակների վրա։ Վարչապետը ձախ ոտքի կոտրվածք ունի։
«Սա պետք է երազանքի շաբաթ լիներ: Ես պլանավորել էի այն վեց ամիս առաջ։ Երկու օր դահուկներ՝ թոռներիս հետ։ Լեռան լանջին թոռներս ասացին. «Պապի՛, ցույց տուր՝ ինչպես ես դահուկով սահում»։ Դե, ես էլ ցույց տվեցի»,- գրել է Տուսկը։
Նա հայտնել է, որ մի քանի օր ստիպված կլինի քայլել հենակներով, սակայն այդ ընթացքում մտադիր չէ դադարեցնել աշխատանքը։
A miało być tak pięknie… pic.twitter.com/tS6Wyclmx4
— Donald Tusk (@donaldtusk) February 25, 2025
