«Ժողովրդավարության և օրենքի գերակայության ամրապնդման ուղղությամբ իրակացվում են քայլեր, որոնք հիմնականում չորսն են»,- Երևանում անցկացվող ԵՄ-Հայաստան խորհրդարանական գործընկերության կոմիտեի 4-րդ նիստի ժամանակ ասաց արդարադատության նախարար Սրբուհի Գալյանը։
Նա նշեց, որ այդ քայլերից են սահմանադրական բարեփոխումներները, որոնք ընթացիկ փուլում են գտնվում. «Գործում է համապատասխան խորհուրդը, կազմված է Սահմանադրության հայեցակարգը, այժմ աշխատում ենք Սահմանադրության նոր տեքստի վրա, որը, ըստ ստանձնած հանձնառության, պետք է պատրաստ լինի մինչև 2026 թվականի ընտրությունները։
Սահմանադրությունը շեշտադրելու է մարդու իրավունքները, այդ թվում սոցիալ-տնտեսական իրավունքները, ինչպես նաև պարունակելու է մի շարք դրույթներ կապված կառավարման կարգի, տարբեր պետական մարմինների տեղի և դերի մասին, իհարկե, նաև բազմաթիվ կարգավորումներ կան»։
