«Ժողովուրդ ջան, ես կառաջարկեի մի փոքր մտավոր վարժանք կատարել և պատկերացնել, թե մենք 2021 թվականի մայիս ամսում ենք գտնվում։ Գնում է քարոզարշավ, և Նիկոլ Փաշինյանն ասում է հետևյալը․

«Ժողովուրդ ջան, ձեզ սիրում եմ, սրտիկներ աջ ու ձախ։ Ես անելու եմ ամեն ինչ, որ տրանսպորտը թանկանա, աղբահանության գները թանկանան, ձեր գույքահարկն այնքան բարձրանա, որ սեփական տներում վարձով ապրեք։ Ժողովուրդ ջան, այդքան ձեզ սիրում եմ։ Անելու եմ ամեն ինչ, գիշեր-ցերեկ, որ Արցախը հանձնենք, որ Եռաբլուրը եռապատկենք»։

Պատկերացնո՞ւմ եք՝ հետո ինքը հաղթում է և խորհրդարանում մեծամասնություն ձևավորում։ Հնարավո՞ր է դա ընդհանրապես պատկերացնել։

Այս մարդիկ, այս քաղաքական թիմը քաղաքական խարդախներ են։ Խաբել են մեր ժողովրդին, ասել են մեկ բան, արել ճիշտ հակառակը, բերել ավերություններ ու զոհեր, ընդհանրապես արել ամեն ինչ, որպեսզի ցույց տան, որ իրենց խոսքն ունի զրոյական արժեք։ Հիմա պատրա՞ստ ենք նույն մարդկանց համար ևս մեկ անգամ քվեարկել»,- այս մասին այսօր՝ մայիսի 24-ին, Էրեբունի համայնքում քաղաքացիների հետ հանդիպման ընթացքում հայտարարեց ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը։

Մանրամասն՝ տեսանյութում։