Կառավարությունն իր այսօրվա՝ փետրվարի 27-ի նիստում ՀՀ կառավարության ծրագրի (2021-2026 թթ.) 2024 թվականի կատարման ընթացքի և արդյունքների զեկույցի մասին որոշում կայացրեց: Այն ներկայացրեց փոխվարչապետ Մհեր Գրիգորյանը:
Նա նշեց, որ այս զեկույցը ներառում է Կառավարության ծրագրի կատարման վերաբերյալ արդյունքային և թվային ցուցանիշներ, եւ կառավարության կողմից հավանություն ստանալուց հետո կներկայացվի ԱԺ:
Զեկույցը ներառում է հետեւյալ բաժինները.
Արտաքին քաղաքականությունը (Հայաստան-Վրաստան հարաբերություններ, Հայաստան — Ադրբեջան հարաբերությունների կարգավորման գործընթաց, Հայաստան — Իրան հարաբերություններ, Հայաստան — Թուրքիա հարաբերությունների կարգավորում, Հայաստան — ՌԴ հարաբերություններ, Հայաստան — ԱՄՆ հարաբերություններ, Հայաստան — Եվրոպական միություն հարաբերությունները, Հայաստան — Ֆրանսիա հարաբերություններ, Հայաստան — Գերմանիա հարաբերություններ, Հայաստան — Միացյալ Թագավորություն հարաբերություններ,Հայաստան — եվրոպական այլ երկրներ հարաբերություններ, Հայաստան — Հնդկաստան հարաբերություններ, Հայաստան — Չինաստան հարաբերություններ, Հայաստան — Միջին Արևելքի երկրներ հարաբերություններ, Համագործակցությունը գործընկեր այլ պետությունների հետ, Բազմակողմ համագործակցություն, Համագործակցություն միջազգային ֆինանսական կազմակերպությունների հետ, Սփյուռքի հետ կապեր).
Պաշտպանություն (Ազգային անվտանգության ծառայություն, Անվտանգային համակարգեր, ՆԳՆ բարեփոխումներ).
Տնտեսություն (Բարձր տեխնոլոգիաներ, հեռահաղորդակցություն և կապ, Փոստային կապ, Գյուղատնտեսություն, Քաղաքաշինություն, Բնական ռեսուրսների կառավարում).
Ենթակառուցվածքների զարգացում (Տրանսպորտ, Ճանապարհաշինություն, Ջրային տնտեսություն, Էներգետիկա).
Մարդկային կապիտալի զարգացում (Ժողովրդագրություն, Միգրացիա, Կրթություն, Գիտություն, Առողջապահություն, Աշխատանք և սոցիալական պաշտպանություն, Երիտասարդություն, Սպորտ, Մշակույթ, Շրջակա միջավայր).
Իրավունք և արդարադատություն (Ընտրական իրավունք և ինստիտուցիոնալ ժողովրդավարություն, Դատաիրավական բարեփոխումներ, Կոռուպցիայի դեմ պայքար, Քրեակատարողական և պրոբացիայի ոլորտի բարեփոխումներ).
Ինստիտուցիոնալ զարգացում (Ռազմավարական պլանավորում և քաղաքականությունների մշակում, պետության կողմից հանրությանը մատուցվող ծառայություններ, Թվայնացում, ազգային տարածական տվյալների ենթակառուցվածք, Տարածքային կառավարում և տեղական ինքնակառավարում, Պետական գույքի կառավարում, Հարկաբյուջետային քաղաքականություն, Հարկային և մաքսային վարչարարություն, Պետական ծախսեր):
