Անկլավ-էքսկլավների հարցով Ադրբեջանի հետ համաձայնություն չկա, լրագրողների հետ զրույցում հայտարարեց ՀՀ փոխվարչապետ Մհեր Գրիգորյանը։

«Չկա համաձայնություն։ Ցանկացած հարց, որը ֆորմալ քննարկվում է, որի շուրջ կա աշխատանքային քննարկում, մենք հրապարակում ենք»,- ասաց նա։

Փոխվարչապետն ասաց, որ ադրբեջանական կողմի հետ ունեցել են 13 հանդիպում, բոլոր հանդիպումների վերաբերյալ էլ եղել է պաշտոնական հրապարակում։

Նրա խոսքով՝ աշխատանքային հանդիպման շրջանակներում անկլավ-էքսկլավների հարցի շուրջ քննարկում չի եղել, եթե լիներ՝ հաղորդագրություն կլիներ։