18 01 2020

Փաշինյանի վարչապետության ընթացքում հնչեղ սպանություններն աննախադեպ են․ Թևանյան

Փաշինյանի վարչապետության ընթացքում հնչեղ սպանություններն աննախադեպ են․ Թևանյան

Քաղաքական գործիչ Անդրանիկ Թևանյանը գրում է․

«Մեր երկրի գերագույն գլխավոր ստատուսագիրը գրեթե ամենօրյա ռեժիմով վիճակագրական աճեր է ներկայացնում ու դրանցով կերակրում պողոսներին։ Նա տառապում է աննախադեպության մոլուցքով։

Երեկ վիճակագրական աճ ներկայացնելու և աննախադեպ երևույթը շեշտելու առիթ կար, բայց նա երեկվանից «լռվել» է։ Եթե գրի էլ, ապա հաստատ կշրջանցի այդ վիճակագրությունը։ Փորձենք լրացնել բացը։

Փաշինյանի վարչապետության 1 տարի 8 ամսվա ընթացքում տեղի ունեցած հանրային հնչեղության սպանությունները և ինքնասպանությունները/«ինքնասպանությունները» աննախադեպ են։

Հետանկախական Հայաստանում դեռ ոչ մի ղեկավարի օրոք այսքան կարճ ժամանակահատվածում այսքան գեներալ չէր սպանվել կամ ինքնասպանվել։

Աննախադեպ է Փաշինյանի կառավարման շրջանն ուժային երկու կառույցների նախկին երկու ղեկավարների սպանության/ինքնասպանության առումով։ Նման ցուցանիշ ևս ոչ մի ղեկավար չի արձանագրել։

ԱԱԾ նախկին ղեկավար սպանվել է ՀՀ 1–ին նախագահի օրոք։ Փաշինյանն այդ առումով գերազանցեց իր երբեմնի կուռքին, քանզի ժողվարչապետին «հաջողվեց» ԱԱԾ նախկին ղեկավարի դիակի կողքը գրանցել նաև ոստիկանության նախկին ղեկավարի դին։ Այս ցուցանիշով մենք նաև տարածաշրջանային առաջատար դարձանք»։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ