Հայր Զաքարիա ծայրագույն վարդապետ Բաղումյանը ֆեյսբուքյան իր էջում հայտնում է․

«Զգուշացե՛ք կեղծ հոգևորականներից. նկատի չունեմ կարգալույծներին։ Վերջին շրջանում սոցցանցերում սկսել են ակտիվանալ արհեստական բանականությամբ ստեղծված կեղծ հոգևորականները կամ նրանց ավատարները։ Նորագույն տեխնոլոգիաներին և հայոց եկեղեցուն քիչ թե շատ ծանոթ մեկն իսկույն կհասկանա, որ խաբկանք է, բայց արի ու տես մեր հավատացյալներից շատերը մեկնաբանություններում գրում են, թե ինչպես կարելի է ձեզ հետ ծանոթանալ, երբ եք պատարագ մատուցելու, ցանկանում ենք սուրբ հաղորդություն կամ օրհնություն ստանալ ձեզնից։
Զգոն եղեք թվային այս աշխարհում՝ փորձելով զանազանել ճշմարտությունը կեղծիքից»։