ԱՄՆ նախագահ Դոնալդ Թրամփը կարող է հանդիպել Ուկրաինայի նախագահ Վլադիմիր Զելենսկու հետ հաջորդ շաբաթ Նյու Յորքում: Այս մասին այսօր՝ սեպտեմբերի 16-ին, Թել Ավիվում հայտարարեց ԱՄՆ-ի պետնախարար Մարկո Ռուբիո, փոխանցում է DW-ն։
Սեպտեմբերի 22-ից 30-ը Նյու Յորքում կկայանա ՄԱԿ-ի 80-րդ նստաշրջանի բարձր մակարդակի շաբաթ:
«Նա (Թրամփը — խմբ.) փորձում է անել հնարավոր ամենը պատերազմին ավարտ տալու համար։ Նախագահը բազմիցս զանգահարել է Պուտինին, բազմիցս հանդիպել է Զելենսկու հետ, այդ թվում, հնարավոր է, կրկին հանդիպի նրա հետ հաջորդ շաբաթ Նյու Յորքում»,- Ռուբիոն։
Ուկրաինական կողմը դեռ չի հաստատել նման հանդիպման հնարավորությունը: Զելենսկին Թրամփից «հստակ դիրքորոշում» է ակնակոլւմ անվտանգության երաշխիքների հարցում։ Այնուամենայնիվ, Ուկրաինայի նածխագահնը կոչ է արել Թրամփին «հստակ արտահայտել դիրքորոշում» Ռուսաստանի դեմ պատժամիջոցների և Ուկրաինայի համար անվտանգության երաշխիքների հարցում:
Sky News-ի հետ հարցազրույցում Ուկրաինայի նախագահը կարծիք է հայտնել, որ Սպիտակ տան ղեկավարն անձամբ պետք է «կատարի որոշիչ քայլեր» և «պետք է ստիպի Պուտինին վախենալ իրենից»:
Զելենսկին կարծում է, որ ԱՄՆ-ը բավական ուժեղ է՝ «իր սեփական որոշումները կայացնելու համար»:
Եվրոպան արդեն 18 պատժամիջոցների փաթեթ է կիրառել Ռուսաստանի դեմ, հիշեցրել է Ուկրաինայի նախագահը: Նրա կարծիքով՝ այն, ինչ մնում է անբավարար, դա ամերիկյան ուժեղ պատժամիջոցների փաթեթն է:
Վլադիմիր Զելենսկին նաև քննադատել է Թրամփի և Պուտինի հանդիպումը Ալյասկայում՝ օգոստոսի 15-ին:
Դոնալդ Թրամփը սեպտեմբերի 14-ին հայտարարել է, որ պատրաստ է խստացնել ԱՄՆ-ի պատժամիջոցները Ռուսաստանի նկատմամբ, եթե Եվրոպան նույնպես ուժեղացնի իր սահմանափակումները՝ համաձայն Վաշինգտոնի գործողությունների։
