«Զանգեզուրի միջանցքը» TRACECA-ի շատ կարեւոր երթուղի է։ Այս մասին APA-ին ասել է «ՏՐԱՍԵԿԱ»-ի գլխավոր քարտուղար Ասեթ Ասավբաեւը։
Գլխավոր քարտուղարը, մայրուղին անվանելով կարեւոր նախագիծ, նշել է, որ 110 կիլոմետրանոց Հորադիզ-Աղբենդ երկաթուղու շինարարական աշխատանքները շարունակվում են, որի 67 կիլոմետրն արդեն ավարտված է։
Նա գոհունակություն է հայտնել այն առնչությամբ, որ ադրբեջանական կողմն ավարտել է նախագիծը. «Ես վստահ եմ, որ Զանգեզուրի միջանցքի բացումը, որը կկապի Եվրոպան եւ Ասիան, եւ ամենակարեւորը՝ Ադրբեջանի հիմնական մասը Նախիջեւանի հետ, զգալիորեն կբարձրացնի Ադրբեջանի կարգավիճակը որպես տարածաշրջանային տրանսպորտային հանգույց։ Անկեղծ ասած՝ ես շատ տպավորված եմ։ Կցանկանայի նշել, որ Զանգեզուրի միջանցքը TRACECA-ի շատ կարեւոր երթուղի է»։
