«Իմ մասով հանդիպումները, այո՛, սահմանափակում չունեմ։ Այսինքն՝ որպես մերձավոր ազգական կարող եմ տեսակցել իրեն։

Բայց, լինելով մերձավոր ազգական, ես նաև Ազգային ժողովի պատգամավոր եմ, և, ըստ էության, մենք՝ որպես Ազգային ժողովի պատգամավորներ, կարողանում ենք տեսակցել կալանքի տակ գտնվող կամ դատապարտված բոլոր այն անձանց, որոնց մասով մենք արգելք չունենք։

Հիմա իր մասով ես տեսակցության արգելք չունեմ դատարանի որոշմամբ, բայց ինձ միևնույն է չեն թողնում։ Սա միգուցե մի քիչ բացառիկ դեպք է, նման բան չի եղել, բայց ամեն դեպքում ես, լինելով պատգամավոր, Ռոբերտ Քոչարյանին տեսնելու արգելք չունեմ։

Օրինակ՝ եղբորս չեմ կարող տեսնել։ Եղբորս չեմ կարող տեսնել, և սա էլ է անհասկանալի՝ ինչո՞ւ չեմ կարող տեսնել։

Դատարանը որոշման մեջ գրել էր, որ միայն կինը և երեխաները կարող են տեսակցել»,- այս մասին այսօր՝ սեպտեմբերի 8-ին, հայտարարեց ԱԺ «Հայաստան» խմբակցության պատգամավոր Լևոն Քոչարյանը։

Մանրամասն՝ տեսանյութում։