Ես «Դիմադրության» շարժման պարտությունը համարում եմ իմ անձնական պարտությունը: Այս մասին Tete A Tete-ի հետ հարցազրույցի ժամանակ ասել է Արամ Վարդևանյանը:
«Եվ դրանից հետո ես ուղղակի հասկացա, որ այդ պարտության համար ես պետք է պատասխանատվություն կրեմ: Պատասխանատվություն կրելու ձևերից մեկը մանդատը վայր դնելն էր և հրաժարական տալն էր: Դա իմ անձնական որոշումն է եղել»,-ասել է Վարդևանյանը:
Նա աբսուրդ է որակել պնդումները, թե «Ուժեղ Հայաստան» կուսակցության առաջնորդ Սամվել Կարապետյանը Ռուսաստանի մարդն է Հայաստանում։
Հարցին՝ ի՞նչ էր նշանակում «մեր ձևով» արտահայտությունը, Վարդևանյանը պատասխանել է. ««Դա հենց այն է, ինչ հիմա տեսնում եք»։
