Արցախի պաշտպանության բանակի նախկին մամուլի խոսնակ Սենոր Հասրաթյանը գրել է․
«Այսօր երկրի ղեկին հայտնված պատահականությունների հիմնական զենքը լկտիությունն է, որն ուղեկցվում է սահման չճանաչող ստերով ու կեղծիքներով, միամիտ զանգվածներին մոլեռանդ կրքոտությամբ մատուցվող սին խոստումներով, պետականության ստեղծման և կայացման համար, եթե ոչ վճռորոշ, ապա, գոնե, ինչ-որ բան արած մարդկանց վարկաբեկող հասցեական թիրախավորումներով…
Այլևս անկասկած է, որ այդպես ընդունակ են վարվել միայն կյանքում որևէ մնայուն արժեք չստեղծած կատարածուները, բայց, միաժամանակ, անհասկանալի և հիասթափեցնող է, թե ինչպես և ինչքան կարող է այդպիսիներին հանդուրժել հազարամյակներով պատկառելի ավանդույթներ ստեղծած ժողովուրդը…
Հ.գ.- Մենք գտնվում ենք մի քաոսի մեջ, որը կառավարվում է… Կառավարվում է և՜ ներսից, և՜ դրսից… Իսկ քաոսից օրինակարգ փոխհարաբերությունների անցման ճանապարհը մեկն է՝ ՍԹԱՓՎԵԼ և փորձել նորից վերադառնալ այնտեղ, որտեղ ՄԵԶ, որպես պետականություն վերանվաճած ԱԶԳ, քիչ թե շատ հարգում էին…
Հ.գ.գ.-Հատուկ եմ դրել այս լուսանկարը, որովհետև այդ ժամանակ, որպես Արցախի հանրապետության բանակի պաշտոնական ներկայացուցիչ, հարգված ու արժանապատիվ էի ինձ զգում…»։
