ԵԱՏՄ-ին մասնակցության կասեցումը կհանգեցնի Հայաստանի տնտեսական ցուցանիշների վատթարացմանը, այդ թվում՝ ԵԱՏՄ անդամ պետությունների հետ Հայաստանի համախառն ապրանքաշրջանառությունը կնվազի ավելի քան 55%-ով։ Գազի ներկրման արժեքը կաճի 69%-ով՝ հասնելով տարեկան 657,5 միլիոն դոլարի։
Ռուսաստանի, Բելառուսի, Ղազախստանի և Ղրղզստանի միջկառավարական խորհրդի անդամները ներկայացրել են զեկույց՝ Հայաստանի նկատմամբ Եվրասիական տնտեսական միության մասին պայմանագրի գործողության կասեցման հնարավոր հետևանքների վերաբերյալ։
«Ըստ կանխատեսումային գնահատականների՝ ԵԱՏՄ-ին մասնակցության կասեցումը կհանգեցնի Հայաստանի Հանրապետության տնտեսական ցուցանիշների վատթարացմանը։ Հայաստանի համախառն ապրանքաշրջանառությունը ԵԱՏՄ անդամ պետությունների հետ կնվազի ավելի քան 55%-ով. Հայաստանից ԵԱՏՄ անդամ պետություններ ապրանքների արտահանումը կկրճատվի ավելի քան 65%-ով, իսկ ԵԱՏՄ անդամ պետություններից ապրանքների ներմուծումը՝ գրեթե կիսով չափ»,- ասված է փաստաթղթում։
Նշվում է, որ կնվազեն նաև ԵԱՏՄ երկրների հետ ծառայությունների առևտրի ցուցանիշները․ ծառայությունների շրջանառության ընդհանուր նվազումը կանխատեսվում է 37,7% մակարդակում։
Նշվում է նաև, որ ԵԱՏՄ անդամ երկրները կարող են որոշում ընդունել ժամանակավորապես դադարեցնելու ՀՀ-ի մասնակցությունը միությանը՝ հաշվի առնելով Երևանի գործողություններից բխող ռիսկերը
Զեկույցն ամբողջությամբ այստեղ։
