Այդ խայտառակության հանդեպ ես ի՞նչ դիրքորոշում պետք է ունենամ. պարզ չի՞, որ ընդհանրապես անընդունելի է այդ թեմայով որեւէ խոսակցություն։ Այս մասին լրագրողների հետ զրույցում նշել է ՀՀ երրորդ նախագահ Սերժ Սարգսյանը՝ անդրադառնալով Նիկոլ Փաշինյանի կողմից Գարեգին Բ-ի և այլ հոգեւորականների նկատմամբ արշավին։
Նա ընդգծեց, որ կաթողիկոսին պաշտպանելու հարցում իրենք կհետևեն Վեհափառ հայրապետի հորդորներին ու նրա դիրքորոշմանը. «Ես կարծում եմ որպես առիթ Երևի Շվեյցարիայում Վեհափառ հայրապետի ելույթն էր, այդ միջոցառումն էր, բայց ամբողջովին տեղավորվում է իր հնարած «նոր Հայաստանի» կոնցեպտի մեջ։ Այսինքն Հայոց պատմությունը փոխելով Հայաստանի պատմությամբ, Հայ առաքելական եկեղեցին վարկաբեկելով, սա նույն շղթայի տարբեր օղակներն են, այստեղ զարմանալու բան չկա»,- ընդգծել է Սերժ Սարգսյանը։
