«Խայտառակ վիճակ է, վախի ու ատելության քարոզի մթնոլորտ է։ Այս մասին մամուլի ասուլիսի ժամանակ ասաց «Միասնության թևեր» կուսակցության վարչապետի թեկնածու Արման Թաթոյանը։
Ըստ նրա, պետք է հասկանանք՝ այս իրավիճակից ելքը որն է, ոնց ենք դուրս գալու այս իրավիճակից։
«Այս իշխանությունը մահը դարձել է որպես պաշտամունք։ Խոսում են՝ զինվորների ու առհասարակ մարդկանց զոհվելու մասին՝ ինչու չեք զոհվել պատերազմի ժամանակ։ Ինչպես կարող է մարդ, ով վարչապետ է, ում ասելով մեր զինվորները գնացել են պատերազմ, զոհվել են հերոսաբար, բայց այն տղերքը, որոնք վերադարձել են, ասում է՝ ինչու չեք զոհվել։ Ես սա գնահատում եմ բացառապես որպես մեղքը մեր զինվորների վրա դնելու ակնհայտ քայլ, իրենց վրայից մեղքը գցում ու դնում են զինվորների վրա, նաև պատասխանատվությունից փախնելու համար։ Իսկ պաշտպանության նախարարն էլ լակոտի պես է իրեն պահում, խոսում է «արա»-ով, ասում է՝ հիմնավորեք, ինչու չեք զոհվել։ Դու կարո՞ղ ես հիմնավել, թե ինչու դու չես զոհվել, դու կարող ես հիմնավորելու, թե ինչու կացարանում մեր 15 զինվորները մահացան։
Բա դու պաշտպանության նախարար ես։ Քո ֆունկցիան այն է, որ պատերազմն այսպես կազմակերպես, քաղաքականության տանես, որ հնարավորինս քիչ մարդ զոհվի, ոչ թե ասես՝ ինչո՞ւ չեք զոհվել»,- ասաց Թաթոյանը։
