Գործարար և բարերար Սամվել Կարապետյանի գործով Վճռաբեկ դատարանը հանդես է եկել որպես դատախազության և Քննչական կոմիտեի դուստր ձեռնարկություն։ Լրագրողների հետ զրույցում նման կարծիք է հայտնել փաստաբան Ռուբեն Հակոբյանը՝ մինչև Քննչական մարմնի կողմից Կարապետյանի կալանքի ժամկետը երկարաձգելու միջնորդության վերաբերյալ դատական նիստը։
Փաստաբանը նշել է, որ քննչական մարմինը կարծում է, որ կան կալանքի ժամկետը երկարաձգելու բավարար հիմքեր և խնդրել է կալանքը մեկ ամսով երկարաձգել։
«Մեր գնահատմամբ՝ միջնորդությունը ապօրինի է և չունի որևէ կապ իրականության, իրավունքի և իրավագիտության հետ։ Միջնորդության մեջ բերված է Վճռաբեկ դատարանի հիմնավորումը։ Մենք դա դեռ չենք ստացել։ Թող ներեն ինձ Վճռաբեկ դատարանի գործընկերները, բայց այս գործով տպավորություն է ստեղծվում, որ այն հանդես է գալիս որպես դատախազության և Քննչական կոմիտեի դուստր ձեռնարկություն», — հայտարարել է փաստաբանը։
Մանրամասն՝ տեսանյութում։
