Լուգանսկի Հանրապետության մանկավարժական համալսարանի Ստարոբելսկի մասնագիտական քոլեջի շենքին ու հանրակացարանին ԱԹՍ-ի հարվածի հետևանքով 35 մարդ է վիրավորվել: Այս մասին հայտնել է Հանրապետության ղեկավար Լեոնիդ Պասեչնիկը։
«Այս գիշեր ողբերգություն է տեղի ունեցել։ Ուկրաինայի զինված ուժերը թիրախավորել են քնած, անպաշտպան երեխաներին։ Թշնամու ԱԹՍ-ները հարձակվել են մեր մանկավարժական համալսարանի Ստարոբելսկի մասնագիտական քոլեջի ուսումնական մասնաշենքի և հանրակացարանի վրա։ Հարվածի պահին այնտեղ եղել է 14-18 տարեկան 86 երեխա։ Տարբեր աստիճանի վնասվածքներ է ստացել 35 մարդ», — հայտնել է Պասեչնիկը MAX հարթակում։
