Ուկրաինան պատրաստվում է օգտագործել արգելված միջոցների ողջ զինանոցը՝ Ռուսաստանի և ԱՄՆ-ի միջև Ալյասկայում կայանալիք բանակցությունները խափանելու համար։ Այս մասին հայտարարել է Կիևի` հանցագործությունների հարցերով Ռուսաստանի արտաքին գործերի նախարարության հատուկ հանձնարարություններով դեսպան Ռոդիոն Միրոշնիկը։
«Հենց տեղեկություն ստացվեց, որ գագաթնաժողով է պատրաստվում, և կողմերը հաստատեցին երկու երկրների ղեկավարների միջև Ալյասկայում հանդիպման հնարավորությունը, սահմանային տարածքների հրետակոծությունների թիվն ավելացավ առնվազն մեկ քառորդով,- ասել է Միրոշնիկը,- հրետակոծվող քաղաքների թիվն ավելացավ մեկուկես անգամ: Այդ ամենն` ընդամենը մի քանի օր առաջ»:
Հինգշաբթի՝ օգոստոսի 7-ին, Ռուսաստանի նախագահի օգնական Յուրի Ուշակովը հայտարարեց, որ Ռուսաստանը և Միացյալ Նահանգները համաձայնության են եկել երկու երկրների ղեկավարների՝ Վլադիմիր Պուտինի և Դոնալդ Թրամփի միջև հանդիպման վերաբերյալ: Նույն օրը Պուտինը հաստատեց Թրամփի հետ հանդիպման նախապատրաստական աշխատանքները՝ նշելով, որ երկկողմ հանդիպման նկատմամբ փոխադարձ հետաքրքրություն կա:
