Որպես Միչիգանի հաջորդ սենատոր՝ ես հանդես կգամ հայ ժողովրդի խաղաղության, արժանապատվության, անվտանգության և ինքնորոշման օգտին: Այս մասին Ամերիկայի Հայ դատի հանձնախմբին (ANCA) տված հայտարարության մեջ ասել է դոկտոր Աբդուլ Էլ-Սայեդը, ով հաղթել է Միչիգանի սենատորական ընտրություններում:
«Ինձ համար պատիվ է ունենալ ANCA-ի աջակցությունն այս պայքարում: Միչիգանաբնակ հայերը մեր մեծ նահանգի թանկարժեք մասն են: Թրամփի վարչակազմի կողմից Ադրբեջանին ռազմական օգնության տրամադրման բլանկային չեկը՝ ընթացող ոճրագործությունների ֆոնին, միջազգային իրավունքի բացահայտ խախտում է: Որպես Միչիգանի հաջորդ սենատոր՝ ես հանդես կգամ հայ ժողովրդի խաղաղության, արժանապատվության, անվտանգության և ինքնորոշման օգտին»,- ասել է Աբդուլ Էլ-Սայեդը:
Դոկտոր Աբդուլ Էլ-Սայեդը, որը Միչիգան նահանգից ԱՄՆ Սենատի թափուր տեղի համար առաջադրված Դեմոկրատական կուսակցության թեկնածուն է, այսօր վերահաստատել է իր աջակցությունը հայկական դատին և Միչիգանի հայ-ամերիկյան համայնքին, որը երկրի ամենահին և ամենամեծ համայնքներից մեկն է։
