Քննիչի միջնորդությունը վերաբերում էր կրկին հայտնի կոչերի մեղադրանքին, այսինքն՝ որևէ կոչի բացակայության պայմաններում կոչերի մեղադրանքին, այնուհետև փողերի լվացման, հարկերի չվճարման իբրև կազմակերպումը Սամվել Կարապետյանի կողմից։ Այս մասին լրագրողներիհետ ճեպազրույցում ասաց գործարար Սամվել Կարապետյանի փաստաբան Արամ Վարդևանյանը՝ անդրադառնալով երեկվա դատական նիստին, որում որոշվեց ևս երկու ամսով երկարաձգել Սամվել Կարապետյանի կալանքը։
«Դատարանն իր դատական ակտով արձանագրել է, որ փողերի լվացման, հարկեր, տուրքեր չվճարելու մեղադրանքների փունջը հիմնավոր կասկածի շեմը չի հաղթահարել։ Մեր հարցերի վերաբերյալ չստացանք որևէ պատասխան, այնուհետև ներկայացրեցինք նաև մեր դիրքորոշումները՝ առարկություններով, այդ թվում՝ նշված տնտեսական փունջ մեղադրանքների վերաբերյալ։ Այդ մեղադրանքները վերաբերում են ծանր, առանձնապես ծանր ենթադրյալ հանցանքների։ Որևէ ձևով բացահայտված չէր, թե Սամվել Կարապետյանն ինչ կապ ուներ այդ մեղադրանքների հետ»,- նշեց նա։։
Մանրամասն՝ տեսանյութում։
