Վենսի հետ քննարկել ենք անազատության մեջ գտնվող մեր հայրենակիցների հարցը, ասել է Նիկոլ Փաշինյանը։
«Այդ հարցում անաղմուկ ենք գործում, խնդրում եմ հնարավորինս քիչ մանրամասներ ակնկալել ինձնից, բայց ասում եմ՝ մենք այդ հարցը քննարկել ենք։ Հարցը եղել է օրակարգում և քննարկվել է: Որևէ բանակցություն չկա, որտեղ այդ թեմային չանդրադառնանք:
Եթե չլիներ խաղաղության բարելավվող միջավայրը, Վագիֆ Խաչատրյանը չէր վերադառնա: ԼՂ ռազմաքաղաքական ղեկավարության դատավճիռներն ինձ համար շատ ցավալի ու ծանր են, բայց պետք է հասկանալ, որ կոնֆլիկտն ունի իներցիա, որը հնարավոր չէ մեկ լծակի գործադրմամբ կանգնեցնել։ Խաղաղությունն է այն միջավայրը, որով հնարավոր է խնդիրը լուծել»,- ասաց նա:
