Կարակասում երկրաշարժից հետո տեղի է ունեցել առնվազն երկու հետցնցում (աֆթերշոկ)։ Այս մասին հայտնել է CNN հեռուստաալիքը՝ վկայակոչելով ականատեսներին։
Տեղի բնակիչների խոսքով՝ հիմնական ցնցումներից հետո նրանք զգացել են ևս երկուսը, որոնք, ըստ նրանց զգացողությունների, տևել են 60-ից 90 վայրկյան։
Ավելի վաղ ԱՄՆ Երկրաբանական ծառայությունը կանխատեսել էր, որ 89% հավանականությամբ՝ Վենեսուելայում երկրաշարժից հետո 24 ժամվա ընթացքում տեղի կունենան 5,0-ից ավելի մագնիտուդով հետցնցումներ։ Ընդ որում՝ երկրաշարժից հետո մեկ շաբաթվա ընթացքում նման ցնցումների գրանցման հավանականությունը կազմում է 43%։
Վենեսուելայում երկրաշարժը տեղի է ունեցել հունիսի 24-ի երեկոյան։ Մոտ 40 վայրկյան տարբերությամբ գրանցվել է 7,2 և 7,5 մագնիտուդով ստորգետնյա ցնցումների երկու շարք։ Դրանց էպիկենտրոնները գտնվել են միմյանցից 10 կմ հեռավորության վրա՝ Վենեսուելայի Յարակույ նահանգում։ Երկրի նախագահի լիազոր Դելսի Ռոդրիգեսի խոսքով՝ առնվազն 160 մարդ է զոհվել, 700-ը՝ վիրավորվել։ Տասնյակ շենքեր ավերվել են։ Վենեսուելայի իշխանությունները մտցրել են արտակարգ դրության ռեժիմ։ Երկրի կառավարությունը Լա Գուայրա ափամերձ նահանգը հայտարարել է աղետի գոտի։
