Թուրքիայի դռները բաց են Ռուսաստանի և Ուկրաինայի միջև բանակցությունների համար։ Այս մասին Անթալիայում դիվանագիտական ​​ֆորումի արդյունքներով հրավիրված մամուլի ասուլիսում հայտարարել է Թուրքիայի արտաքին գործերի նախարար Հաքան Ֆիդանը։

«Մեր դռները բաց են Ռուսաստանի և Ուկրաինայի առաջ, եթե նրանք ցանկանան»,- ասել է նա։

Նշենք, որ նախօրեին Ռուսաստանի արտգործնախարար Սերգեյ Լավրովն ու Ֆիդանն Անթալիայի դիվանագիտական ​​ֆորումի շրջանակներում քննարկել են երկկողմ հարաբերությունների և էներգետիկ ոլորտում համագործակցության հարցերը։