Միացյալ Նահանգները կոչնչացնի Իրանի տարածքում գտնվող բոլոր էլեկտրակայաններն ու կամուրջները, եթե Թեհրանը հրաժարվի նստել բանակցությունների սեղանի շուրջ։ Այս մասին Fox News-ին տված հարցազրույցում հայտարարել է ԱՄՆ նախագահ Դոնալդ Թրամփը՝ մեկնաբանելով Օրմուզի նեղուցի շրջանում ստեղծված իրավիճակը։

ԱՄՆ նախագահը նշել է, որ Վաշինգտոնն արդեն «շատ ուժեղ հարված է հասցրել Իրանին» և շարունակում է «հարվածներ հասցնել նրանց ունեցած ամեն ինչին՝ ափամերձ գոտու ողջ երկայնքով»։

«Այսօր երեկոյան մենք նրանց շատ ուժեղ հարված կհասցնենք։ Վաղը երեկոյան նույնպես շատ ուժեղ հարված կհասցնենք։ Եվ մյուս օրը երեկոյան կրկին շատ ուժեղ հարված կհասցնենք։ Եթե նրանք չնստեն բանակցությունների սեղանի շուրջ, մենք կկործանենք նրանց բոլոր էլեկտրակայաններն ու բոլոր կամուրջները», — նախազգուշացրել է ԱՄՆ նախագահը։