«Իսպանացիները ՆԱՏՕ-ի անդամներ են, բայց ՆԱՏՕ-ի ոչ այնքան լավ անդամներ: Նրանք ասում են, որ չեն ցանկանում օգնել ուրիշներին: Նրանք իրենց այնքան էլ լավ չեն պահում։ Բայց նրանք կսովորեն»,- ասել է նա Հյուսիսային Դակոտա նահանգում ելույթ ունենալիս։ Այս մասին հայտարարել է ԱՄՆ նախագահ Դոնալդ Թրամփը, հաղորդում է ՏԱՍՍ-ը:
Իսպանիայի իշխանությունները հայտնել են, որ կկարողանան կատարել ՆԱՏՕ-ի հանդեպ իրենց պարտավորությունները՝ ռազմական ծախսերի վրա հատկացնելով ՀՆԱ-ի մոտ 2%-ը։ Միևնույն ժամանակ, 2025 թվականի հունիսին դաշինքի գագաթնաժողովի արդյունքներով տարածված կոմյունիկեում ասվում էր, որ անդամ երկրների ղեկավարները համաձայնել են մինչև 2035 թվականը պաշտպանական ծախսերը հասցնել ՀՆԱ-ի 5%-ի՝ ներառյալ 1,5%-ը պաշտպանական ենթակառուցվածքների զարգացման համար և հաշվի առնելով Ուկրաինային կատարվող ռազմական մատակարարումները։ Մադրիդի դիրքորոշումը հանդիպել է սուր քննադատության ԱՄՆ-ի և անձամբ ամերիկյան վարչակազմի ղեկավարի կողմից։
Նշենք, որ Իսպանիան ի սկզբանե դեմ է արտահայտվել Իրանում ԱՄՆ-ի և Իսրայելի գործողությանը։ Մադրիդը նաև թույլ չի տվել օգտագործել թագավորության տարածքում տեղակայված ռազմակայանները։
