ԱՄՆ նախագահ Դոնալդ Թրամփը կասկածում է՝ արդյոք արժի՞ փոխնախագահ Ջ.Դ. Վենսին դարձնել իր իրավահաջորդ, հաղորդում է The New York Times-ը (NYT)՝ հղում անելով աղբյուրներին։
Աղբյուրների համաձայն, խորհրդականների հետ խոսելիս ամերիկացի առաջնորդը հաճախ հարց է բարձրացնում, թե արդյոք Վենսը կարող է հաղթահարել նախագահական մրցավազքը, և ինքն էլ պատասխանում՝ ասելով, որ վստահ չէ։
The New York Times-ը գրում է, որ օգնականների հետ անձնական զրույցներում ամերիկացի առաջնորդը Վենսի նվաճումները համեմատում է իր նվաճումների հետ։ Թրամփը նշել է, որ Վենսը լարված ընտրություններում միշտ հաղթել է միայն իր աջակցությամբ; Թրամփն, ըստ աղբյուրի, համեմատում է փոխնախագահի արձակուրդում անցկացրած օրերի քանակը. Թրամփն ինքը սովորաբար արձակուրդ չի գնում։ ԱՄՆ նախագահը նաև բազմիցս նշել է Վենսը դեմ է եղել Իրանի դեմ ԱՄՆ ռազմական գործողությունների մեկնարկին։
Թերթը նշում է, որ Վենսը ժողովրդականություն է վայելում MAGA (Make America Great Again) շարժման կողմնակիցների շրջանում։ Սակայն, 2028 թվականի ընտրություններում հանրապետականների թեկնածությունը ապահովելու համար փոխնախագահը պետք է լավ հարաբերություններ պահպանի պետության ղեկավարի հետ։
Թրամփն ավելի վաղ Վենսին և պետքարտուղար Մարկո Ռուբիոյին անվանել էր իդեալական թեկնածուներ՝ իր նախագահական ժամկետի ավարտից հետո երկիրը ղեկավարելու համար։
