Քաղաքական մեկնաբան Հակոբ Բադալյանի ֆեյսբուքյան գրառումը․ «Հետաքրքիր հարցադրում են անում մարդիկ՝ պետք է հարվածողին պաշտպանե՞լ:
Ոչ, հարվածողին պաշտպանել պետք չէ: Պետք է պաշտպանել տրամաբանությունն ու բարոյականությունը, որ խախտվում են հայտնի պատմության պարագայում:
Երկուսն էլ մարդու բնության մեջ են, որպեսզի երեւույթները կարողանա քննել ամբողջական: Քանի որ, ամբողջական չքննելու պարագայում հնարավոր չէ գալ արդյունավետ եզրահանգման:
Իսկ տրամաբանությունն ու բարոյականությունը այս դեպքում հուշում են, որ տեղի է ունեցել սադրանք: Սադրողը եղել է պետության ղեկավարը, որը չգիտես ինչու որոշել է Պատարագի ժամանակ լեցուն սրահ մտնել ու իր հոծ թիկնազորով եւ ուղեկցողներով շարժվել դեպի առաջին շարքեր, առաջացնելով հրմշտոց, խանգարելով Պատարագին հետեւող հավատացյալներին:
Իսկ 18-ամյա պատանին բնությունից օժտված է բուռն արձագանքի հատկանիշով: Դա 18-ամյա պատանիներին շատ բնորոշ հատկանիշ է: Նրանց էմոցիոնալ համակարգը «նորակառույց» է, շատ «փորձաքննություններ» չանցած: Իսկ Պատարագի ընթացքում պատանին յուրօրինակ հոգեվիճակում է, ուր փաստորեն ներխուժում է պետության ղեկավարը իր քաղաքական նկատառումներից ու քարոզչական մղումներից, այլ ոչ թե հոգեւոր կարիքներից ելնելով: Որովհետեւ հոգեւոր կարիքի դեպքում չի առաջանա հոծ թիկնազորով բազմության մեջ հետուառաջ անելու ցանկություն կամ մտադրություն: Հոգեւորի անգամ փոքր բաղադրիչի դեպքում պարզ ու հասկանալի կլիներ, որ եկեղեցու լեցուն սրահում՝ հոծ թիկնազորով հետուառաջ անելը հավասարազոր է Պատարագն ունկընդրողների ներաշխարհում հետուառաջ անելուն:
Հետեւաբար, տրամաբանությունն ու բարոյականությունը պահանջում է, որ դրվագը քննենք ամբողջության մեջ, ոչ թե պարզապես «վարչապետին հասցված հարվածի», որը նույնիսկ ըստ էության հարված էլ չի եղել:
Հետեւաբար, երբ դեպքը քննվում է արդեն այսպես ասած անցյալ ժամանակով, առավել եւս պետք է հաշվի առնել այդ ամենը: Եվ 18-ամմյա երիտասարդին կալանքի տանելու դաժան որոշումը դատապարտող մարդիկ չեն ասում, թե՝ «լավ է արել հարվածել է վարչապետին»: Որեւէ մեկը չի ասում, թե՝ պատանին լավ է արել:
Ընդամենը ասում են, որ դեպքը եւ իրավիճակը բացարձակապես այն չէ, որ արժանի է կալանքի: Բացարձակապես այն չէ: Ավելին, այս դեպքում՝ հաշվի առնելով նաեւ պատանու թե կրթական գրեթե անթերի առաջադիմությունը, թե հոգեւոր նկարագիրը, թե նաեւ մի շարք այլ հանգամանքներ, կալանքը պարզապես պատիժ է՝ դաժան պատիժ, որը, կրկնեմ՝ դուրս է թե բարոյականությունից, թե տրամաբանությունից:
Պետք չէ պաշտպանել հարվածը: Պետք է պաշտպանել բարոյականությունն ու տրամաբանությունը»:
Ինքն էլ է դատվելու, բայց նորմալ, իրավական պետության մեջ. Նարեկ Մանթաշյան
«Այստեղ իրավական որևէ բան տեսնել ուղղակի շատ մեծ ջանասիրության դեպքում ևս անհնար է։ Սա զուտ քաղաքական հանձնարարություն կատարողներ են այս մարդիկ։ Երեկ Ազգային ժողովի քաղաքական թիվ մեկ ամբիոնից երկրի փաստացի ղեկավարի պաշտոնը զբաղեցնող...
