«Պառլամենտարիզմի զարգացման միջազգային կենտրոն» ՀԿ համահիմնադիր, սահմանադրագետ Գոհար Մելոյանը գրում է․
«Սյունիքի միջանցքի հանձնում Սյունիքի ճանապարհների ապապատվիրակում։
Եզրութաբանական ծուղակ․
ԱԳՆ փոխնախարարի այսօրվա հարցազրույցից կարելի է բխեցնել, որ հայկական կողմը պատրաստվում է տալ ադրբեջանական կողմի այդքան բաղձալի միջանցքը՝ առանց դա միջացք կոչելու։
ԻՐԱՐԱՄԵՐԺ է, թե ինչպես իրավական առումով կարող են զուգակցվել մի կողմից որևէ երկրի ինքնիշխանությունը և տարածքային ամբողջականությունը, իսկ մյուս կողմից՝ սեփական տարածքը հատող բեռների և անձանց նկատմամբ վերահսկողությանը՝ ԱՆՀԱՅՏ մասնավոր կազմակերպությանը փոխանցելը։
Վերոնկարագրյալը ՀՀ ինքնիշխանության և տարածքային ամբողջականության օտարում է որևէ մասնավոր կազմակերպության, լինի դա՝ շվեյցարական, ամերիկյան, անգլիական կամ կանադական։
Պարզ է չէ, որ կարճ ժամկետում թուրք-ադրբեջանական լոբբին կդառնա նշված մասնավոր կազմակերպության բաժնետերերի կամ իրական շահառուների լավագույն ընկերը, եթե՝ ոչ հենց իրական շահառուն։
Այս գործընթացն ակնհայտ հակասահմանադրական է։
Սահմանադրությամբ խախտմամբ օտարվում է Հայաստանի Հանրապետության ինքնիշխանության մի մասը»։
