Ռուսաստանի և Հայաստանի միջև ապրանքաշրջանառությունը կտրուկ նվազում է, 2026 թվականին այդ ցուցանիշը 2025 թվականի համեմատ նվազել է երկու երրորդով և կշարունակի նվազել։ Այս մասին լրագրողներին հայտնել է ՌԴ փոխվարչապետ Ալեքսեյ Օվերչուկը։
«Այն իրավիճակը, որը զարգանում է ԵԱՏՄ-ի և Հայաստանի հարաբերություններում, կանխատեսելի էր։ Վերջին 3-4 տարիների ընթացքում մենք հայ գործընկերներին ասել ենք, որ նման ռիսկեր գոյություն ունեն, մասնավորապես՝ ապրանքաշրջանառության կրճատման ռիսկերը», — նշել է նա։
«2024 թվականին Ռուսաստանի և Հայաստանի միջև ապրանքաշրջանառությունը հասել է ռեկորդային ցուցանիշի՝ շուրջ 12 մլրդ դոլարի, ինչը հսկայական թիվ է։ Անցած տարի այն նվազել է՝ հասնելով մոտ 8 մլրդ դոլարի։ Այս տարի ապրանքաշրջանառության կտրուկ անկում է գրանցվում՝ 2025 թվականի համեմատ այն նվազել է մոտ երկու երրորդով։ Իրավիճակն այնպիսին է, որ, ակնհայտորեն, այն կշարունակի նվազել», — ասել է Օվերչուկը։
