Ռուսաստանի և Ադրբեջանի միջև շփումները լիովին չեն ընդհատվել՝ չնայած երկկողմ հարաբերություններում առկա դժվարություններին. դրանք շարունակվել են, այդ թվում՝ վարչակազմի և օգնականների միջոցով։ Հայտարարել է Ռուսաստանի նախագահի մամուլի քարտուղար Դմիտրի Պեսկովը։
«Հանուն արդարության պետք է ասել, որ, չնայած այն հանգամանքին, որ ժամանակները լավագույնը չեն երկկողմ հարաբերությունների պատմության մեջ, բայց մեր առևտրատնտեսական համագործակցության ծավալը շարունակել է աճել։ Եվ շփումները լիովին չեն ընդհատվել. դրանք շարունակվել են, այդ թվում՝ վարչակազմի և օգնականների միջոցով», -ասել է Պեսկովը «Ռոսիա 1»-ի լրագրող Պավել Զարուբինին՝ մեկնաբանելով Ռուսաստանի և Ադրբեջանի միջև երկկողմ հարաբերությունները։
Պեսկովի խոսքով, Մոսկվան ակնկալում է, որ Բաքվի հետ կապված խնդրահարույց հարցերը կլուծվեն։
«Մենք ակնկալում ենք, որ դա տեղի կունենա այս կամ այն արագությամբ», — ասել է Պեսկովը «Ռոսիա 1»-ի լրագրող Պավել Զարուբինին։
