Լավրովը պատասխանել է Ռուբիոյի խոսքերին Ալյասկայում ձեռք բերված համաձայնությունների վերաբերյալ։
Ալյասկայում կայացած գագաթնաժողովի ընթացքում Ռուսաստանի և ԱՄՆ նախագահներ Վլադիմիր Պուտինը և Դոնալդ Թրամփը քննարկել են Վաշինգտոնի՝ Ուկրաինայի վերաբերյալ առաջարկները, որոնք ընդունվել են ռուսական կողմի կողմից, հետևաբար ԱՄՆ պետքարտուղար Մարկո Ռուբիոյի կողմից այնքան էլ տեղին չէ ասել, թե Անքորիջում իբր որևէ համաձայնություն չի եղել, հայտարարել է ուրբաթ օրը ՌԴ ԱԳ նախարար Սերգեյ Լավրովը։
«Երբ իմ գործընկեր Մարկո Ռուբիոն ասում է, որ Ալյասկայում եղել են միայն առաջարկներ, իսկ համաձայնություն չի եղել, ինձ մոտ հարց է առաջանում՝ ինչ ենք մենք հասկանում «համաձայնություն» ասելով։ Եթե մի կողմը՝ այս դեպքում ԱՄՆ-ը, սեղանին է դրել իր առաջարկները կարգավորման վերաբերյալ, այն մասին, թե ինչպես մոտենալ այս ճգնաժամին, իսկ մյուս կողմը իր համաձայնությունն է հայտնել այդ առաջարկներին, ապա ասել, թե համաձայնություն չի եղել, ինչ-որ առումով այնքան էլ տեղին չէ», — լրագրողներին ասել է Լավրովը։
Լրատվամիջոցների հարցին տրված պատասխանը հրապարակվել է ՌԴ ԱԳՆ կայքում։
