ԱՄՆ նախագահ Դոնալդ Թրամփը մամուլի ասուլիսում տեղեկացրել է, որ պետքարտուղար Մարկո Ռուբիոն այսօր խոսել է Վենեսուելայի փոխնախագահ Դելսի Ռոդրիգեսի հետ։
Նա նշել է, որ Ռոդրիգեսը համաձայնել է համագործակցել ԱՄՆ-ի հետ։
ԱՄՆ նախագահն ասել է, որ Ռոդրիգեսն արդեն երդում է տվել որպես նախագահ։
«Նա, ես կարծում եմ, նախագահն է։ Նա երկար զրույց է ունեցել Մարկոյի հետ և ասել է. «Մենք կանենք այն, ինչ ձեզ պետք է»։ Նա ընտրություն չուներ»,- ասել է Թրամփը։
Ավելի վաղ ԱՄՆ նախագահը տեղեկացրել էր Վենեսուելայի նախագահ Նիկոլաս Մադուրոյին և նրա կնոջը բռնելու մասին, նրանց տանում են ԱՄՆ, որտեղ նրանք կկանգնեն դատարանի առջև բազմաթիվ մեղադրանքներով։
