«Նայե՛ք, տնտեսական մասով ամեն ինչ կախված է լինելու գործող իշխանությունների հարաբերություններից Ռուսաստանի Դաշնության հետ, քանի որ մեր ՀՆԱ-ի 25%-ը՝ մոտավորապես 7,5 միլիարդ դոլարի շրջանառությունը, ինչպես նաև գյուղատնտեսության մոտ 90-95%-ն այսօր Ռուսաստանի հետ է։ Ինչպիսի՞ հարաբերություններ կձևավորվեն Ռուսաստանի հետ՝ դրանից է կախված լինելու մեր տնտեսությունը, ուրիշ տարբերակ չկա՛։ Բացի դրանից, հիմնական տրանսֆերտների մոտ 90%-ը նույնպես գալիս է այնտեղից։
Այսինքն՝ երբ ես ասում եմ՝ Հայաստանի տնտեսությունը կայուն զարգացող է, դա չի նշանակում, թե իշխանության հաշվին է․ դրանում նրանց դերը զրո է։ Այսքան տարիների ընթացքում կառավարությունն ընդամենը փող ծախսող է․ պարտքերը վերցնի, ծախսի, ասֆալտ փռի։ Չեմ ուզում նորից վերադառնալ նախընտրական թեզերին, բայց կրկնում եմ՝ ամենահեշտ գործը՝ իրենց թալանը անում են։ Վե՛րջ, սրանով ավարտվում է նրանց մասնակցությունը տնտեսության մեջ։
Այս տարիներին մեր տեսածն ընդամենն այն է, որ ողջ կառավարությունով գնում, չորրորդ սորտի ցորենի վագոններ ու դիզվառելիք կամ բենզին են դիմավորում։ Իրենց գործունեության հիմնական առանցքը դա է․ միգուցե հիմա էլ ամբողջ կազմով գնան Ադրբեջանից եկած մի վագոն վարունգ դիմավորեն ու դրանով հպարտանան»,- այս մասին ասուլիսում ասաց «Ուժեղ Հայաստան» կուսակցության առաջնորդ Սամվել Կարապետյանը։
Մանրամասն՝ տեսանյութում։
