Ռուսաստանի և ԱՄՆ-ի միջև հաջորդ բանակցությունները նախատեսված են Ստամբուլում՝ ապրիլի 10-ին։ Այս մասին հայտնել է ՌԴ նախագահի մամուլի քարտուղար Դմիտրի Պեսկովը։
«Հանդիպմանը կմասնակցենք արտաքին գործերի նախարարության մակարդակով»,- լրագրողներին հայտնել է Պեսկովը։
Անցյալ շաբաթ ՌԴ ԱԳ նախարար Սերգեյ Լավրովը հայտարարել էր, որ Ռուսաստանն ու ԱՄՆ-ն ներկայումս նոր երկկողմ հանդիպում են ծրագրում։
Նա նաև նշել էր, որ կողմերն աշխատում են խոչընդոտների վերացման ուղղությամբ, որոնք լրջորեն խանգարում են Մոսկվայում և Վաշինգթոնում երկու երկրների դեսպանատների աշխատանքին։
