Պրահայում 2022 թվականին Հայաստանի ղեկավարության արած հայտարարություններից հետո Հավաքական անվտանգության պայմանագրի կազմակերպությունը չէր կարող միջամտել Ղարաբաղում ստեղծված իրավիճակին, հայտարարել է Ռուսաստանի նախագահ Վլադիմիր Պուտինը ՀՀ վարչապետ Նիկոլ Փաշինյանի հետ հանդիպման ժամանակ։
«Կարծում եմ՝ նույնքան ակնհայտ է, որ 2022 թվականին Պրահայում ձեր կողմից Ղարաբաղը Ադրբեջանի մաս ճանաչելուց հետո ՀԱՊԿ-ի համար բացարձակապես անտեղի կլիներ միջամտել ներադրբեջանական երանգ ստացած այդ գործընթացին»,- ռուս-հայկական բանակցությունների ժամանակ հայտարարել է Պուտինը։
Ռուսաստանի նախագահն ամենազգայուն հարցն անվանել է Ղարաբաղին առնչվող հարցը։
«Մենք գիտենք, որ և՛ դուք, և՛ ձեր գործընկերները ունեցել եք և շարունակում եք ունենալ հարցեր, խնդիրներ և դժգոհություններ ՀԱՊԿ-ի դեմ։ Մենք մշտապես վերադառնում ենք այդ թեմային»,- ընդգծել է Պուտինը։
Բացի դրանից, նախագահն անդրադարձել է նաև Ղարաբաղի վերամիավորման հարցին։ «Եթե այն Ադրբեջանի մաս համարենք, ես չեմ գնահատում՝ դա լավ է, թե վատ՝ խաղաղ կյանք կազմակերպելու տեսանկյունից։ Ըստ իս, դա, երևի, իմաստ ուներ»,- հավելել է Պուտինը։
