Փաշինյանը «հետևում» է իրենց շների էջերին, իսկ կնոջ և դուստրերի էջերին չի հետևում․ «Հրապարակ»

7 Օգոստոսի, 2026

Փետրվարին, երբ Աննա Հակոբյանը հայտարարեց, որ ինքն այլեւս Նիկոլ Փաշինյանի կինը չէ եւ հեռանում է կառավարական առանձնատներից, ամուսինները սկսեցին չհետեւել միմյանց նաեւ Ինստագրամում, ինչպես ասում են` «ատպիսկա» եղան: Այնուհետեւ, կարճ ժամանակ անց` ընտրությունների շեմին, Աննա Հակոբյանը կրկին հայտնվեց կառավարական ամառանոցում, եւ լրագրողների հարցին ի պատասխան, Նիկոլ Փաշինյանը հայտարարեց, որ ինքը շնորհակալ է, որ Աննան եւս մեկ շանս է տվել իրեն` ընտանիքը վերականգնելու: Հետո տիկին Աննան անհետացավ ասպարեզից` նա քարոզարշավին չմասնակցեց: Իսկ հունիսի 7-ից հետո երբեւէ որեւէ տեղ չի երեւացել ամուսնու հետ: Որքան էլ տարօրինակ է, 20 օրից ավելի արձակուրդ վերցրած` սարերով ու ձորերով թափառող, թատրոն, սրճարան գնացող, հեծանիվ վարող Նիկոլ Փաշինյանը ոչ մի տեղ կնոջ հետ չերեւաց: Եվ պարզ չէ` ի վերջո, ընտանիքը վերամիավորվե՞լ է, թե՞ ոչ:

Միայն տեղեկացանք, որ Նիկոլ Փաշինյանի հրամանով` պետական բյուջեից ֆինանսավորմամբ Աննա Հակոբյանը մեկնեց Նյու Յորք` առաջին տիկնանց եւ առաջին պարոնների ինչ-որ դասընթացի մասնակցելու: Իսկ օրեր առաջ էլ սկսեց խոսել ընտանեկան բռնության մասին` կոչ անելով կանանց բարձրաձայնել այդ խնդիրները, պայքարել ընտանեկան բռնության դեմ, նաեւ` օրենսդրական փոփոխություններ անել` Քրեական օրենսգրքում հատուկ ընտանեկան բռնության համար պատժի հոդված ներմուծելով:

Ապա հայտարարեց, որ ընտանեկան բռնության դեմ պայքարի ընթացքում իր անձին ուղղված սպառնալիքներ է «զգացել», եւ կոչ արեց դատախազությանը՝ արձագանքել դրան․ «Ընտանիքներում բռնության թեմայի բարձրաձայնումից հետո կյանքիս ուղղված սպառնալիքներ եմ զգում: Երկրի հեղինակությանը մեծ հարված կլինի, եթե վարչապետի կինը բռնության զոհ դառնա»։ Իհարկե, այս պայքարի կոնտեքստում ոմանք կասկածներ ունեցան, թե Փաշինյանի ընտանիքում էլ է բռնություն կիրառվել, եւ Աննա Հակոբյանի պայքարը նաեւ անձնական խնդիրներից է բխում, բայց նրանց ընտանեկան հարաբերությունների բնույթից լավատեղյակ անձինք հերքեցին դա` եթե անգամ կա բռնություն, ապա դա ֆիզիկական չէ:

Ի դեպ, Նիկոլ Փաշինյանի` վարչապետի պաշտոնում վերանշանակվելուց հետո Կոռուպցիայի կանխարգելման հանձնաժողով ներկայացրած իր հայտարարագրում նա, որպես ընտանիքի անդամի, նշել է նաեւ Աննա Հակոբյանի անունը, ինչը չի արել, օրինակ, որդու՝ Աշոտ Փաշինյանի պարագայում, որպես համատեղ չբնակվող անձ չհիշատակելով հայտարարագրում։

Սակայն, որքանով մեզ հաջողվեց պարզել, Փաշինյան-Հակոբյան զույգը միմյանց գործունեությամբ այնքան էլ հետաքրքրված չէ` նրանք դեռ Ինստագրամում միմյանց չեն հետեւում` հետեւորդներ չեն։ Ավելին` Փաշինյանն Ինստագրամում հետեւում է միայն իրենց շների անունով բացված էջին, իսկ կնոջ կամ դուստրերի էջերին չի հետեւում։ Իսկ Աննա Հակոբյանն Ինստագրամում, ի տարբերություն ամուսնու, հետեւում է դուստրերի էջերին, ինչպես նաեւ՝ «Իմ քայլը» հիմնադրամի եւ եւս 7 տարբեր ընկերությունների էջերի։

Ամբողջական հոդվածը՝ «Հրապարակ օրաթերթ»-ում։

Նմանատիպ նյութեր

Դադարեցրե՛ք ՔՊ-ին քննադատողների նկատմամբ հետապնդումները, ազատե՛ք քաղբանտարկյալներին․ Արթուր Խաչատրյան

«Հայաստան» խմբակցության քարտուղար Արթուր Խաչատրյանը ներկայացրել է Ազգային ժողովի հայտարարության նախագիծ՝ Հայաստանում քաղաքական հետապնդումների ենթարկվող անձանց իրավունքների պաշտպանության և նրանց իրավական երաշխիքների...

Քոչարյանը մեզ համար պայքարից չնահանջելու օրինակ է․ Հայկ Աթոյան

Քաղաքական հետապնդումները Հայաստանում սկսվել են դեռևս 2018 թվականի հուլիսի 27-ից, երբ կալանավորվեց ՀՀ երկրորդ նախագահ Ռոբերտ Քոչարյանը։ Այս մասին հայտարարել է «Հայաստան» դաշինքի անդամ Հայկ Աթոյանը։ Նրա խոսքով՝ այն ժամանակ...

Ձեզ բոլորիդ համախմբում է մեկ ընդհանուր հանցագործություն․ դուք պետական հանցագործություն եք կատարում․ Եգանյանը՝ իշխանությանը 

«Նիկոլ Փաշինյանը, գալով իշխանության գլուխ, առաջինը թիրախավորեց Հայոց եկեղեցին։ Բայց տեսնում ենք՝ ուր է դա նրան տանում։ Ոչ մի լավ տեղ չի տանում։ Նիկոլ Փաշինյանը եկավ դագաղներով․ իրենք դագաղներն էին պարեցնում։ Եվ ես չեմ կարող մոռանալ մի շատ...

Օդի ջերմաստիճանը կնվազի 3-5 աստիճանով

Օդի ջերմաստիճանը կնվազի 3-5 աստիճանով

Երևանում նոյեմբերի 16-ի ցերեկը, 17-ի գիշերը, 19-21-ին սպասվում է կարճատև անձրև։ Նոյեմբերի 17-ի ցերեկը և 18-ին սպասվում է առանց տեղումների եղանակ։ Հանրապետության տարածքում նոյելբերի 16-ի ցերեկը, 17-ի գիշերը,18-ի և 19-ի ցերեկը, 20-21-ին ժամանակ առ ժամանակ առանձին...

Արևմուտքի ուշադրությունը պետք է մշտապես պահել Հայաստանի իրադարձությունների վրա․ Տիգրան Քոչարյան

«Շատերն ասում են՝ տեսե՛ք, Նիկոլ Փաշինյանի թիկունքին կանգնած է հավաքական Արևմուտքը և աչք է փակում այն ամենի վրա, ինչի դեպքում նախկինում աչք չէր փակում։ Այստեղ նույնպես լուծումներ կան։ Հավաքական Արևմուտքի ուշադրությունը պետք է անընդհատ...