«Այսօր ուզում եմ խոսել այս իշխանությունների ստի ու կեղծիքի մասին, որը տարածում են այս օրերի ընթացքում։

Այս իշխանության ամենաթքոտ ներկայացուցիչը՝ Ալեն Սիմոնյանը օրերս հանրային հեռուստաընկերության եթերում ասել է, որ օգոստոսի 8-ի հայտնի հայտարարության ստորագրումից հետո Ադրբեջանն այլևս չի բարձրացնում այսպես կոչված «արևմտյան ադրբեջանցիների վերադարձի» հարցը։

Ես ասում եմ՝ Ալե՛ն, ստում ես։

Որովհետև վերջին անգամ Ալիևը ամենաբարձր մակարդակով դեկտեմբերի 5-ին՝ օգոստոսի 8-ից չորս ամիս անց, խոսել է այսպես կոչված «արևմտյան ադրբեջանցիների վերադարձի» մասին։ Դրանից հետո այս ամիս տեղի է ունեցել այսպես կոչված «արևմտյան ադրբեջանցիների վերադարձի» համաժողով, որին մասնակցել են ոչ միայն ադրբեջանցի պատգամավորներ, այլ նաև պատգամավորներ Վրաստանից, Թուրքիայից, ինչպես նաև Միացյալ Նահանգների և ՄԱԿ-ի ներկայացուցիչներ։

Այսինքն՝ իրենք այս իրականությունը թաքցնում են, որպեսզի հունիսի 7-ից առաջ մեր հայրենակիցները, չզգալով այդ վտանգը, շարունակեն մնալ խաբեության մեջ։

Հիմա այս իշխանության ամենաստախոս ներկայացուցչի մասին գիտե՞ք ով է։ Նիկոլը՝ Նիկոլ Փաշինյանը։

Փաշինյանը երեկ կամ առաջին օրը ասում էր՝ «Ես երաշխիք եմ տալիս, որ ադրբեջանցիները չեն վերադառնա Հայաստան»։

Դուք հավատո՞ւմ եք, ժողովուրդ։

Նիկոլ Փաշինյան, քո երաշխիքով ապառիկով ֆեն հնարավոր չէ գնել, ուր մնաց՝ ադրբեջանցիների դեմն առնել»,- այս մասին այսօր՝ մայիսի 23-ին, Արմավիրում հայտարարեց «Հայաստան» դաշինքի պատգամավորի թեկնածու Բորիս Մուրազին։

Մանրամասն՝ տեսանյութում։