«Հայ-իրանական հարաբերությունների օրակարգային հարցերից են «ԹՐԻՓՓ»-ի նախագծից ի հայտ եկող ռիսկերի կառավարումը և հնարավոր մարտահրավերների վերացումը։ Ինչ վերաբերում է ԱՄՆ-ի և ամերիկացիների դիրքորոշմանն ու նրանց գործելաոճին՝ 20 օր դեռ չի լրացել, որ հրադադարի հուշագիրը ստորագրվել է, այս ընթացքում մենք ականատեսը եղանք դրա քանի խախտման նրանց կողմից։ Ուստի, Իրանի շատ լեգիտիմ և տրամաբանական անհանգստությունը իր սահմանների հարևանությամբ ամերիկացիների ներկայության վերաբերյալ պետք է հստակ արձագանք ստանա և պատասխան տրվի այդ անհանգստություններին։
Հայաստանի Հանրապետության կառավարությունը հավաստիացրել է, որ այս ծրագրի, այս պրոյեկտի իրականացման հետևանքով որևէ մարտահրավեր կամ որևէ սպառնալիք ԱՄՆ-ի ներկայության արդյունքում Իրանի համար չի ստեղծվի։ Կարծում եմ, որ մենք պետք է ձեռք բերենք այնպիսի մի մեխանիզմ, որի շրջանակներում Հայաստանի Հանրապետությունը կկարողանա իրացնել և կկարողանա իրականացնել ապաշրջափակման հնարավորությունը, սակայն ի լրումն դրա՝ պետք է կառավարվեն և պետք է հստակ կերպով արձագանք տրվի Ամերիկայի Միացյալ Նահանգների ներկայության հնարավոր ռիսկերին և Իրանի դեմ հնարավոր սպառնալիքներին»,- այս մասին այսօր հրավիրված ասուլիսում ասել է ՀՀ-ում Իրանի դեսպան Խալիլ Շիրղոլամին։
Մանրամասն՝ տեսանյութում։
