Օգոստոսի 18-ին և 19-ին հանրապետությունում ուլտրամանուշակագույն ճառագայթման ինդեքսը սպասվում է նորմայից բարձր։ Այս մասին հայտնում են ՀՀ Շրջակա միջավայրի նախարարությունից։
ՇՄՆ-ից հորդորում են 11։00-17։00-ն ընկած ժամանակահատվածում խուսափել արևի ուղիղ ճառագայթներից։
Հիդրոօդերևութաբանության և մոնիտորինգի կենտրոնի տնօրենի տեղակալ Գագիկ Սուրենյանն էլ հայտնում է, որ հարավից արևադարձային տաք հոսանքներ են ներթափանցում Հայաստան, որոնք առաջիկա 5-6 օրերին չեն նահանջի։
Օգոստոսի 18-19–ն ընկած ժամանակահատվածում Լոռիում, Տավուշում և Սյունիքում ցերեկային ժամերին օդի ջերմաստիճանը կբարձրանա 8-10 աստիճանով, մյուս մարզերում, այդ թվում` Երևանում՝ 4-6 աստիճանով։ Ամենաբարձր ջերմաստիճանը կգրանցվի օգոստոսի 19-20-ին, իսկ ամենատաք գոտիները կլինեն Արարատյան դաշտն ու Երևանի ցածրադիր գոտին, որտեղ ցերեկային ժամերի սպասվում է 37-39 աստիճան տաքություն։
Առաջիկա 5 օրերին հանրապետության ամբողջ տարածքում սպասվում է առանց տեղումների եղանակ։ Արագածոտնի, Կոտայքի, Վայոց Ձորի մարզերի նախալեռներում, Արարատյան դաշտում ու Երևանում պահպանվում է հրդեհավտանգ իրավիճակը։
