Հունիսի 28-ից սկսած ցիկլոնը գրեթե ամբողջությամբ դուրս կգա մեր տարածաշրջանից՝ իր տեղը զիջելով հարավ-արևմուտքից ներթափանցող արևադարձային տաք օդային հոսանքներին։ Այդ մասին հայտնել է «Հիդրոօդերևութաբանության և մոնիթորինգի կենտրոն»-ի տնօրենի տեղակալ Գագիկ Սուրենյանը՝ նշելով, որ վաղը երկրի մեծ մասում արդեն կհաստատվի առանց տեղումների եղանակ։
Նրա տեղեկացմամբ՝ կարճատև անձրև հնարավոր են միայն Սյունիքում, իսկ հունիսի 29-ից մինչև հուլիսի երկուսը ընկած ժամանակահատվածում բոլոր մարզերում կդիտվի առանց տեղումների եղանակ։ «Վաղվանից սկսած հարավարևմտյան տակօդային հոսանքների ներթափանցմամբ պայմանավորված օդի ջերմաստիճանը կսկսի բարձրանալ, այսպիսով հունիսի 28-ից հուլիսի երկուսը ընկած ժամանակահատվածում Հանրապետության ողջ տարածքում օդի ջերմաստիճանը կբարձրանա հինգից յոթ աստիճանով և արդեն հուլիսի երկուսին Հայաստանի տակ գոտիներում դրանք են Սյունիքի հովիտներ, Արարատյան դաշտ, Երևան, ցերեկային ժամերին ջերմաստիճանը կհասնի 35-ից 36 աստիճանի»,- նշել է նա։
