«Նոր Սահմանադրության մասին առաջարկած իմ ուղերձից հետո լայնորեն մեկնաբանվեց որպես  Ադրբեջանի կողմից առաջադրված պահանջի կատարում։ Իրականում, «Իրական Հայաստանի» գաղափարախոսության համատեքստում այն ունի այլ նշանակություն՝ չնայած այս պայմաններում հնարավոր չի ժխտել, որ այն տեքստը, որը կարող է լինել, ինքը կունենա նաև տարածաշրջանային նշանակություն»,-«Իրական Հայաստանի» գաղափարախոսության նախագծի քննարկումների ժամանակ ասել է Նիկոլ Փաշինյանը։

Նա հիշեցրել է, որ դեռևս 2020 թվականի փետրվարից իրենք նոր Սահմանադրության օրակարգի  մասին խոսել են, ավելին՝ 2018 թականի հեղափոխության հետ նոր Սահմանադրության օրակարգը եղել է։

Խոսելով հարևան երկրների տարածքային ամբողջականությունը ճանաչելու մասին՝ նա ասել է. «Երբ որ մենք հայտարարում ենք, որ ճանաչում ենք մեր հարևանների տարածքային ամբողջականությունը, թվում է, թե մենք ճանաչում ենք մեր հարևանների տարածքային ամբողջականությունը և դա ճիշտ է, այդպես է, բայց խորքային մեկ այլ նպատակ  ունի, որ դու ճանաչում ես քո իսկ երկրի տարածքային ամբողջականությունը։

Եվ այդ ժամանակ ինքդ հասկանում ես, որ փաստորեն դու ինքդ այդքան էլ չես ճանաչել, կամ ճանաչելիս չես եղել առնվազն այն իմաստով, որ երկրիդ տարածքի թիվն անծանոթ է եղել քեզ, այնքան էլ ճանաչելիս չես եղել քո երկրի տարածքային ամբողջականությունը։

Առաջին հերթին սեփական երկրի տարածքային ամբողջականությունը ճանաչելու համար ենք ճանաչում  մեր հարևանների տարածքային ամբողջականությունը։ Հետագայում արդեն անդրադարձ կլինի, թե իսկ ինչո՞ւ ենք մենք ճանաչում մեր երկրի տարածքային ամբողջականությունը։ Սա էլ է հարց, որը մեր իրականության մեջ նույնպես հնչում է, և եթե հնչում է պետք է փորձ անել պատասխանել»։