Նավթի գները շարունակում են աճել, չնայած Իրանի առաջարկին՝ դադարեցնել Հորմուզի նեղուցի փաստացի շրջափակումը՝ դրա դիմաց Միացյալ Նահանգների հետ միջուկային բանակցությունները հետաձգելու պայմանով։ Այս մասին գրում է aljazeera.com-ը:
Երեքշաբթի Brent crude միջազգային չափանիշով նավթի գինը աճել է ավելի քան 1 տոկոսով, քանի որ Թեհրանի առաջարկը չի կարողացել հանգստացնել շուկայի մասնակիցներին, որոնք շարունակում են մտահոգված մնալ այդ կարևոր ջրային ուղու շրջափակման ազդեցությամբ գլոբալ վառելիքային մատակարարումների վրա։
Brent նավթի գինը կազմել է 109.42 դոլար մեկ բարելի համար՝ GMT 03:30-ի դրությամբ՝ աճելով 11 տոկոսով անցած շաբաթվա երեքշաբթիի համեմատ։ Վերջին անգամ ցուցանիշը փակվել էր 100 դոլարից ցածր մակարդակում։
ԱՄՆ-ն դեռևս հրապարակային չի մեկնաբանել Իրանի առաջարկը, որը ենթադրում է Իրանի միջուկային ծրագրի բարդ հարցը հետաձգել ավելի ուշ փուլ։
