ՌԴ արտաքին հետախուզության ծառայության (ԱՀԾ) ղեկավար Սերգեյ Նարիշկինը հայտարարել է, որ ամբողջ Եվրասիայի տարածքում լայնածավալ հակամարտության առաջացման վտանգը իրական է և լուրջ մտահոգությունների տեղիք է տալիս։ Գրում է «Парламентская газета»-ն։
Նարիշկինը նման հայտարարությամբ հանդես է եկել սեպտեմբերի 4-ին՝ ԱՊՀ երկրների անվտանգության և հետախուզական ծառայությունների ղեկավարների խորհրդակցության 22-րդ նիստի ժամանակ։
«Եվրասիայի ողջ տարածքում լայնածավալ հակամարտության առաջացման ռիսկը միանգամայն իրական է, և դա լուրջ մտահոգություններ է առաջացնում։ Մեր տվյալներով՝ եվրոպացի առաջնորդները հավատում են վերահսկելի էսկալացիայի հնարավորությանը՝ «եզրագծին հավասարակշռվելու» ռազմավարությանը, որը, ըստ նրա, արևմտյան հետախուզական ծառայությունները մշակել են դեռևս նախորդ դարում», — ասել է Նարիշկինը։ Նրա խոսքերը մեջբերում է ТАСС-ը։
ԱՀԾ ղեկավարը նաև նշել է, որ Եվրամիությունը մինչև 2030 թվականը լայնածավալ զինված հակամարտության նախապատրաստությունն ամրագրել է իր առանցքային հայեցակարգային փաստաթղթերում, այդ թվում՝ Եվրոպայի վերազինման ծրագրում։
Նարիշկինի պնդմամբ՝ եվրոպական քաղաքական էլիտաները շարունակում են աջակցել Կիևի իշխանություններին՝ տրամադրելով ռազմական և ֆինանսական օգնություն, միաժամանակ խոչընդոտելով ուկրաինական հակամարտության խաղաղ կարգավորմանն ուղղված փորձերը։
