Նարեկ Կարապետյանի հարցազրույցը ամերիկացի հեղինակավոր քաղաքական մեկնաբան Թաքեր Կարլսոնի հետ քննադատել են միայն ՔՊ-ականներն ու Ալիևի օգնական Հիքմեթ Հաջիևը։
Գրել է «Մեր ձևով» շարժման խոսնակ Մարիաննա Ղահրամանյանը։
«Միլիոնավոր դիտումներ ունեցած հարցազրույցում, հիշեցնեմ, Նարեկ Կարապետյանը խոսում է Հայոց Ցեղասպանության, Հայ Առաքելական եկեղեցու դեմ հայտարարված պատերազմի, «Մեր ձևով» ժողովրդական շարժման առաջնորդ, ազգային բարերար Սամվել Կարապետյանի ապօրինի կալանավորման ու Արցախյան հիմնախնդրի մասին։
Ուշադրության արժանի համընկնում է, անշուշտ»։
Ալիևի օգնական Հիքմեթ Հաջիևն այսօր Դոհայում անդրադարձել է Նարեկ Կարաետյանի՝ Թաքեր Կարլսոնի հարցազրույցին, նշելով․ «Ես Կարլսոնին ասել եմ, որ հայ-ադրբեջանական հարաբերությունների վերաբերյալ նրա վերջին նյութը դրական չէ խաղաղությունը խթանելու համար», Մարիաննա Ղահրամանյանն՝ իր գրառումով արձագանքել է։
