«Իրենց ամբողջ քարոզարշավի ընթացքում նախարարները արձակուրդ էին վերցրել, տարբեր համայնքի ղեկավարներ, ՔՊ-ի թեկնածուին ձեռքը բռնած, ման էին տալիս գյուղերով, տարբեր բակերով, թաղամասերով: Դե քանի որ ինքը մեր քաղաքի հետ կապ չունի, հիմնականում քաղաքի թաղամասերում էին ման տալիս, որ երևի թե ծանոթանար այդ թաղամասերին: Իսկ ինչ վերաբերում է Նիկոլ Փաշինյանի գալուն՝ մի ՔՊ-ական ավել գա, մի ՔՊ-ական պակաս, մեզ համար ոչ մի տարբերություն: Ուզում եմ հասկանամ Նիկոլ Փաշինյանը ի՞նչ ունի ասելու վաղարշապատցիներին, երբ յոթ տարի իրենք իշխանություն են, յոթ տարի Վաղարշապատն ավելի հետ է գնացել, Էջմիածին քաղաքը սարքել են անգույն քաղաք, երբեմնի քաղաքի կոլորիտը կորել է, ընդհուպ մինչև պաշտոնական վիճակագրությամբ Էջմիածինը դառել է ամենակրիմինալ քաղաքը»,- այս մասին Էջմիածնում՝ «Հաղթանակ» դաշինքի ամփոփիչ հանրավաքից առաջ, լրագրողների հետ զրույցում ասաց Վաղարշապատի համայնքապետի թեկնածու Սևակ Խաչատրյանը։
Մանրամասն՝ տեսանյութում։
