Մի՛ լվացվեք, մի՛ լողացեք, ջուր մի՛ խմեք, դա ի՞նչ «թիթիզություն» է. «Փաստ»

26 Փետրվարի, 2026

«Փաստ» օրաթերթը գրում է.

Եվ ուրեմն, «Վեոլիա ջուրը» որոշել է, որ մայիսի 1-ից սեպտեմբերի 16-ը Երևանի բոլոր 12 վարչական շրջաններում և մարզերում ջուրը կմատակարարվի ժամը 07:00ից մինչև 24:00-ն: Ու վերջ, ոչ մի պարզաբանում, ոչ մի մեկնաբանություն, այդպես են որոշել և վերջ: Միայն ավելի ուշ լրատվամիջոցներից մեկի հարցմանն ի պատասխան նշել են, թե դա «պայմանավորված է ամռան ամիսներին ջերմաստիճանի բարձրացմամբ պայմանավորված ջրասպառման ծավալների աճով»: Իսկ երբ շատ մեծ աղմուկ բարձրացավ, էլի մի քանի լրատվամիջոցով «պարզաբանում» տարածեցին՝ գրեթե նույն ձևակերպումներով:

Եթե սրան ավելացնենք, որ, ըստ ստացված տեղեկությունների, մայրաքաղաքի, ինչպես նաև մարզային որոշ բնակավայրերի առանձին հասցեներում ջրամատակարարումը լինելու է օրական 4-6 ժամով, ապա ամեն ինչ «իր տեղը կընկնի»:

Պատկերացնո՞ւմ եք՝ ինչ կկատարվի, եթե «Գազպրոմը» հայտարարի, որ ձմռան ամիսներին գազասպառման ծավալների աճով պայմանավորված օրական մի 7-8 ժամ գազ չի լինելու: Կամ՝ ինչ կկատարվեր, եթե ՀԷՑ-ը մինչ խլելը նման բան հայտարարեր: Իսկ «Վեոլիա ջուրը» մի օր «արթնացել» ու որոշել է, որ գիշերվա ժամերին ջուր տալու «հավես չունի»: Իհարկե, նախկինում էլ Երևանի այս կամ այն թաղամասում գիշերային ժամերին (հիմնականում՝ ժամը 1-ից 6-ը) ջրանջատումներ էին լինում ամռանը՝ սուսուփուս, առանց բարձրաձայնելու: Իսկ հիմա, ահա, ամբողջ հանրապետությանն են ջրազրկում՝ «հպարտորեն» հայտարարելով:

Թե ինչ վնաս է հասցվելու մարդկանց դրանով՝ կապված հատկապես վաղ աշխատանքի գնացողների, ուշ տուն եկողների կենցաղային խնդիրների հետ, թե ինչ վնասներ է կրելու զբոսաշրջությունը, հավել յալ մասնագիտական հաշվարկների խնդիր է: Լրացուցիչ պարզաբանման կարիք ունի նաև հարցը՝ արդյոք ջրանջատումը վերաբերում է միայն անհատ սպառողներին, թե՞ նաև կազմակերպություններին, մասնավորաբար՝ հիվանդանոցներին, ռեստորաններին, հյուրանոցներին, խանութներին և այլն:

Սակայն այս պահին ուշագրավ է, որ իշխանությունները, կարծես, ասելիք չունեն «Վեոլիա ջուր» ընկերությանը: Իսկ գուցե վերջինս հենց Նիկոլ Փաշինյանի ընդամենը մեկ օր առաջվա հայտարարությունը, թե «մենք պետք է փոխենք ջրի նկատմամբ մեր վերաբերմունքը», խիստ յուրովի է հասկացե՞լ: Կամ գուցե հասկացել է այնպես, ինչպես և պետք էր հասկանա՞լ: Ամեն դեպքում հազիվ թե պատահականություն լինի, որ Փաշինյանի հայտարարությունից ընդամենը մեկ օր անց «Վեոլիա ջուրը» նման որոշում է կայացնում:

Ի դեպ, Նիկոլ Փաշինյանը նաև հայտարարել է. «Մենք գնալու ենք նոր ճանապարհով, որը սկսվում է ջրային ոլորտի և ջրի նկատմամբ մեր վերաբերմունքի փոփոխությամբ»: Ինչպես երևում է, այդ նոր ճանապարհն արդեն… ճանապարհին է: Դե, ինչպես «ապագան», էլի:

Հ.Գ.-Թերթն արդեն տպարանում էր, երբ հայտարարվեց, թե «կառավարության միջամտության արդյունքում ջրամատակարարման ժամանակացույցի փոփոխություն չի լինի»: Ասեք, որ հզոր է: Ու զվարճալի: Ու չափազանց կանխատեսելի: Միանգամից երկու նախընտրական ակցիա՝ մեկ օրում: Առավոտյան՝ թոշակները, երեկոյան՝ ջրի գրաֆիկի փոփոխության «չեղարկում»: Հետաքրքիր է, իսկ կառավարությունը նախապես տեղյա՞կ չէր, որ նման որոշում է կայացվելու: Վստահ ենք, որ տեղյակ էր (այդ մասին՝ տես վերևում): Ինչո՞ւ սպասեցին մինչև մեծ աղմուկ բարձրանա: Ճիշտ է՝ միայն նրա համար, որ իրենց հավատացող փոքրաթիվ մարդիկ նրանց ասեն՝ օ՜…

Նմանատիպ նյութեր

ՌԴ քաղաքացուն ու նրա ընտանիքի 6 անդամներին «Nissan»-ում բռնկված հրդեհից փրկել են

ՌԴ քաղաքացուն ու նրա ընտանիքի 6 անդամներին «Nissan»-ում բռնկված հրդեհից փրկել են

Այսօր՝ նոյեմբերի 22-ին, արտակարգ դեպք է տեղի ունեցել Արագածոտնի մարզում։ Ժամը 12:00-ի սահմաններում Երևան-Գյումրի ավտոճանապարհի 82 կմ հատվածում՝ Թալինի վարչական տարածքում, հրդեհ է բռնկվել դեպի Բավրա ընթացող «Nissan» մակնիշի ավտոմեքենայում։ «Վարորդին և 6 ուղևորներին...

Գեղարքունիքում և Լոռիում քամու հետևանքով ծառեր են տապալվել

Գեղարքունիքում և Լոռիում քամու հետևանքով ծառեր են տապալվել

Նոյեմբերի 21-ին Գեղարքունիքի և Լոռու մարզային օպերատիվ կառավարման կենտրոններ ահազանգեր են ստացվել ուժեղ քամու հետևանքով մի շարք հասցեներում տապալված և տապալման վտանգ ներկայացնող ծառերի, վնասված տանիքների, արևային վահանակների և դրանց մետաղական կառուցատարրերի...

Երբ մարդը սովորի ուրախանալ ուրիշների հաջողությամբ, Աստված նրան էլ կտա ուրիշների բոլոր հաջողություններից. Նարեկ Կարապետյան

Երբ մարդը սովորի ուրախանալ ուրիշների հաջողությամբ, Աստված նրան էլ կտա ուրիշների բոլոր հաջողություններից. Նարեկ Կարապետյան

Երբ մարդը սովորի ուրախանալ ուրիշների հաջողությամբ, Աստված նրան էլ կտա ուրիշների բոլոր հաջողություններից։ Այս մասին գրել է «Ուժեղ Հայաստան» խմբակցության ղեկավար Նարեկ Կարապետյանը՝ մեջբերելով՝ Սրբ Պաիսիոս Աթոսցու...

Հրաչյա Քոչարի փողոցում բախվել են «Zeekr»-ը, «Mercedes»-ը և «Volkswagen»-ը. կան վիրավnրներ

Հրաչյա Քոչարի փողոցում բախվել են «Zeekr»-ը, «Mercedes»-ը և «Volkswagen»-ը. կան վիրավnրներ

Երեկ՝ նոյեմբերի 21-ին, ավտովթար է տեղի ունեցել Երևանում։ Ժամը 15:00-ի սահմաններում Արաբկիր վարչական շրջանի Հրաչյա Քոչարի փողոցում բախվել են «Zeekr», «Mercedes» և «Volkswagen» մակնիշի ավտոմեքենաները։ Shamshyan.com-ի տեղեկություններով՝ վթարի հետևանքով 3 հոգի, որոնց...

Փակ է Արագածոտնի մարզում Քարի լիճ տանող ավտոճանապարհը

Փակ է Արագածոտնի մարզում Քարի լիճ տանող ավտոճանապարհը

Փրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են: Փակ է Արագածոտնի մարզում Քարի լիճ տանող ավտոճանապարհը: Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության...