«Այսօր ջրամատակարարման ընկերությունը հայտարարեց, որ մայիսից սկսած մինչև սեպտեմբերի 15-ը Երևանի մեծ մասը օրական յոթ ժամ ջուր չի ունենա: Ինչպես գիտեք, մեր հիմնական նպատակը մարդկանց կյանքի վրա ազդող փոփոխություններ բերելն է և լավարկումներ անելն է: Ինչո՞ւ է սա կարևոր` ժամը 12-ից մինչև առավոտյան ժամը 7-ը մեր երկրում, մեր երկրի մայրաքաղաքում, 21-րդ դարում, 100 հազարավոր բնակիչներ ջուր չեն ունենալու ու սա մեր պետական ռազմավարության սխալ քաղաքականության հիմնական կիզակետն է, արդյունքն է: Պետությունը ունի երեք հիմնական ենթակառուցվածքային ուղղություն: Առաջինը ջուրն է, երկրորդը գազը, երրորդը էլեկտրականությունը: Մենք հասել ենք նրան, որ Երևան քաղաքում, 21-րդ դարում մի շիշ ջուրն օրական յոթ ժամ անհասանելի է լինելու Երևանի 100 հազարավոր բնակիչների համար»,- այս մասին լրագրողների հետ զրույցում ասաց «Ուժեղ Հայաստան» կուսակցության անդամ, «Մեր ձևով» շարժման համակարգող Նարեկ Կարապետյանը։

Մանրամասն՝ տեսանյութում։