«Երբ հնչեցվում է մի հայտարարություն, օրինակ՝ որ դատավորների կեսը կաշառակեր է, որովհետև որոշումները կայացնում են ոչ այնպես, ինչպես տվյալ մարդն է պատկերացնում արդարադատությունը։ ԲԴԽ-ն ոչ մի հայտարարություն չի անում, որ դա անթույլատրելի խոսույթ է, դատախազությունը ոչ մի բան չի նկատում, և մի քանի հարյուր դատավորներից ոչ մեկը հանդես չի գալիս որևէ հայտարարությամբ:

Ես ի՞նչ պետք է մտածեմ դատական համակարգի մասին: Մի հատ դատավոր չգտնվեց, որ հայտարարություն աներ, ասեր՝ «ինձ խի եք վիրավորում, ինչ հիմքով»։ Սա քաղաքական հայտարարություն չէ, սա կոնկրետ մեղադրանք է: Սա նորմա՞լ է, ու ես պետք է վստահե՞մ, պետք է այս դատարանում արդարադատություն փնտր՞եմ: Նույն մարդը զուգահեռ ասում է՝ «ինքը պիտի նստի», իսկ հաջորդ օրն էլ հայտարարում է, թե «դատավորների կեսը կաշառակեր է»:

Հիմա ես չեմ կարող սա չկապել ընթացող պրոցեսի հետ»,- այս մասին դատական նիստի ժամանակ ասաց ՀՀ երկրորդ նախագահ Ռոբերտ Քոչարյանը։

Մանրամասն՝ տեսանյութում։