«Հրապարակ» թերթը գրում է․ ԿԳՄՍ նախարար Ժ․ Անդրեասյանն աշխատանքից ազատել է մասնագիտական կրթության և ուսուցման վարչության պետ Արմենուհի Պողոսյանին և մասնագիտական կրթության և ուսուցման համակարգման բաժնի պետ Կարեն Մանուկյանին, ինչպես և՝ մի շարքային աշխատողի:
Կայքի տեղեկություններով, նրանց նկատմամբ ծառայողական քննություն է իրականացվել․ թեման Սպիտակի պետական քոլեջում կրթաթոշակների հետ կապված յուրացումներն են. սխալ ձևով են կրթաթոշակները բաժանվել ուսանողներին։
Վարչության պետը չի ցանկացել մանրամասնել, թե խոսքը որ ժամանակահատվածին է վերաբերում և որքան գումարի մասին է, ասաց միայն, որ վարչությունը մեղավոր չէ․ «Նախարարությունը ոչ մի բան չի արել, առավել ևս՝ միտում չի եղել, վարչությունը մեղավորություն չունի, թերացումը եղել է քոլեջի ներսում»:
Այսինքն՝ ձեր նկատմամբ հանիրավի՞ են ծառայողական քննություն իրականացրել։
«Անհամաչափ»: Ի դեպ, Պողոսյանը եղել է կրթության նախկին նախարար Արմեն Աշոտյանի երկարամյա օգնականը եւ այդ ժամանակներից է համակարգում: Ոմանք չեն բացառում, որ այս ազատումները եւս նախկինների «քոքը» գերատեսչություններից կտրելու շրջանակում են արվում:
